នៅថ្ងៃអង្គារ១២រោច ខែស្រាពណ៍ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី២៧ ខែសីហា ឆ្នាំ២០១៩ ឯកឧត្តម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចុះទៅស្រុកព្រែកប្រសព្វ និងស្រុកឆ្លូង ស្ថិតក្នុងខេត្តក្រចេះ ដើម្បីត្រួតពិនិត្យ និងគាំទ្រការអនុវត្តការងារ អត្រានុកូលដ្ឋាន ការប្រើប្រាស់សៀវភៅស្រង់ស្ថិតិកំណើត អាពាហ៍ពិពាហ៍ និងមរណភាពដែលប្រើប្រាស់ដោយមេភូមិ នៅតាមឃុំ សង្កាត់ និងក្រុង ស្រុកទាំងអស់ក្នុងខេត្តក្រចេះ ។ក្នុងកិច្ចប្រជុំត្រួតពិនិត្យនេះផងដែលក៏មានការចូលរួម​លោកអភិបាលស្រុក ក្រុង លោកនាយករដ្ឋបាលសាលាខេត្ត លោកប្រធានការិយាល័យស្ថិតិអត្រនុកូលដ្ឋាន ព្រមទាំងលោកមេឃុំ ចៅសង្កាត់ក្នុងខេត្តក្រចេះ។ ការចុះត្រួតពិន្យនេះមានគោល បំណងមើលអំពីលទ្ធផលនៃការអនុវត្តកន្លងមក និងស្វែង រកចំណុចខ្លាំង បញ្ហាប្រឈម ការខ្វះខាត់ និងការសហការ ដោះស្រាយបញ្ហានានា នៅតាមថ្នាក់រដ្ឋបាលនីមួយៗ ឱ្យបាន ល្អប្រសើរ និងមានប្រសិទ្ធភាព។