ទីស្នាក់ការផ្ដល់លិខិតឆ្លងដែនធម្មតា ផ្សារទំនើបអ៊ីអន២៖ សកម្មភាពមន្រ្តីនគរបាលសាខាលិខិតឆ្លងដែន បំពេញបែបបទផ្ដល់ជូនប្រជាពលរដ្ឋដែលអញ្ជើញមកទទួលសេវា នៅទីស្នាក់ការផ្ដល់លិខិតឆ្លងដែនធម្មតា ផ្សារទំនើបអ៊ីអន២ ខណ្ឌសែនសុខ រាជធានីភ្នំពេញ។
១-ចំពោះការមកធ្វើលិខិតឆ្លងដែន សាមីខ្លួនត្រូវមាន អត្តសញ្ញាណប័ណ្ណសញ្ជាតិខ្មែរគំរូថ្មី
២-ករណីមិនមានអត្តសញ្ញាណប័ណ្ណសញ្ជាតិខ្មែរ ប្រជាពលរដ្ឋត្រូវភ្ជាប់មកជាមួយនូវឯកសារដូចខាងក្រោម៖
-សេចក្ដីចម្លងសំបុត្រកំណើត ឬសេចក្ដីចម្លងសំបុត្របញ្ជាក់កំណើត
-សៀវភៅស្នាក់នៅ ឬសៀវភៅគ្រួសារ (ករណីមិនមានសៀវភៅស្នាក់នៅ ឬសៀវភៅគ្រួសារ សាមីខ្លួនត្រូវភ្ជាប់មកជាមួយនូវលិខិតបញ្ជាក់ទីលំនៅដែលខ្លួនរស់នៅ)
៣-ចំពោះការផ្ដល់លិខិតឆ្លងដែន ក្មេងក្រោមអាយុ ១៥ឆ្នាំ ត្រូវភ្ជាប់មកជាមួយនូវឯកសារដូចខាងក្រោម៖
-សេចក្ដីចម្លងសំបុត្រកំណើត ឬសេចក្ដីចម្លងសំបុត្រ បញ្ជាក់កំណើត
-សៀវភៅស្នាក់នៅ ឬសៀវភៅគ្រួសារ (ករណីមិនមាន សៀវភៅស្នាក់នៅ ឬសៀវភៅគ្រួសារ សាមីខ្លួនត្រូវភ្ជាប់មកជាមួយនូវលិខិតបញ្ជាក់ទីលំនៅដែលខ្លួនរស់នៅ)
-និងមានការធានាពី ឳពុក ម្ដាយ ឬអាណាព្យាបាល ដោយភ្ជាប់មកជាមួយអត្តសញ្ញាណប័ណ្ណសញ្ជាតិខ្មែរ
អាស័យដ្ឋានទីស្នាក់ការផ្ដល់លិខិតឆ្លងដែនធម្មតា អគារផ្សារទំនើបអ៊ីអន២ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ទូរស័ព្ទទំនាក់ទំនង ០១១ ៥៨២ ២៧៧
?សូមលោកអ្នក Download កម្មវិធី GDI eServices ក្នុងទូរស័ព្ទដៃ ដើម្បីសួរព័ត៌មានលំអិតអំពីការងារអត្តសញ្ញាណកម្ម៕