រាជធានីភ្នំពេញ៖ ដោយមានការឯកភាពដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយក​ដ្ឋាន​អត្តសញ្ញាណកម្ម ឯកឧត្តម ឃួង ស្រេង អភិបាល នៃគណៈអភិ​បាល​រាជធានីភ្នំពេញ និងអនុវត្តតាមផែន​ការ​យុទ្ធ​សាស្រ្តជាតិ ស្តីពីអត្ត​សញ្ញាណកម្ម ២០១៧-២០២៦ ក្រុមការងារពង្រីកយន្តការច្រក​ចេញចូល​តែមួយសេវាអត្តសញ្ញាណកម្ម ដឹកនាំដោយ លោក ឧត្តមសេនីយ៍ត្រី ឈុន វណ្ណា ប្រធាននាយកដ្ឋានគ្រប់គ្រងប្រ​ព័ន្ធ​ព័ត៌មានវិទ្យា និងជាអនុប្រធានក្រុមការងារ តំណាងឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង និងជាប្រធាន​ក្រុមការងារ​ពង្រីកយន្តការច្រកចេញចូលតែ​មួយសេវា​អត្តសញ្ញាណកម្ម នៃអគ្គ​នាយក​ដ្ឋានអត្តសញ្ញាណកម្ម សហការជាមួយសាលារាជធានីភ្នំពេញ និងមានការគាំទ្រសហការដោយអង្គការ Vital Strategies បានរៀបចំវគ្គបណ្តុះបណ្តាលអំពីយន្តការច្រកចេញចូលសេវាអត្តសញ្ញាណកម្មនៅថ្នាក់សង្កាត់ ក្នុងរាជធានីភ្នំពេញ។វគ្គបណ្តុះបណ្តាលនេះបានប្រព្រឹត្តនៅសាលសន្និបាតរបស់សាលារាជធានី ចាប់ផ្តើមពីថ្ងៃទី១៣ ខែកញ្ញា ឆ្នាំ២០២១ រហូតដល់ថ្ងៃទី០១ ខែតុលា ឆ្នាំ២០២១ ដែលជាថ្ងៃបញ្ចប់វគ្គនេះ ដោយបានបែងចែកជា ០៨វគ្គ ដែលមានសិក្ខាកាមចំនួន១៦៣នាក់ ជាមន្ត្រីជំនាញនៅតាម សង្កាត់ ប៉ុស្តិ៍នគរបាលគោលដៅទាំង១៤ ក្នុងខណ្ឌទាំង១៤ នៃរាជ​ធានី​ភ្នំពេញ និងគ្រូបង្គោលជំនាញចំនួន១១នាក់ ក្រុមការងារបច្ចេកទេស និងសម្របសម្រួលចំនួន ០៧នាក់។ សង្កាត់ ប៉ុស្តិ៍នគរបាលគោលដៅ ក្នុងខណ្ឌទាំង១៤មាន៖ ១.សង្កាត់ ប៉ុស្តិ៍នគរបាលទន្លេបាសាក់ ខណ្ឌចំការមន ២.សង្កាត់ ប៉ុស្តិ៍នគរបាលទួលស្វាយព្រៃទី១ ខណ្ឌបឹង​កេងកង ៣.សង្កាត់ ប៉ុស្តិ៍នគរបាលវាលវង់ ខណ្ឌ៧មករា ៤.សង្កាត់ ប៉ុស្តិ៍នគរបាលផ្សារថ្មីទី៣ ខណ្ឌដូនពេញ ៥.សង្កាត់ ប៉ុស្តិ៍នគរបាល​ព្រែកលៀប ខណ្ឌជ្រោយចង្វារ ៦.សង្កាត់ ប៉ុស្តិ៍នគរបាលគីឡូម៉ែត្រ​លេខ៦ ខណ្ឌឬស្សីកែវ ៧.សង្កាត់ ប៉ុស្តិ៍នគរបាលផ្សារដេប៉ូទី១ ខណ្ឌទួលគោក ៨.សង្កាត់ ប៉ុស្តិ៍នគរបាលវាលស្បូវ ខណ្ឌច្បារអំពៅ ៩.សង្កាត់ ប៉ុស្តិ៍នគរបាលស្ទឹងមានជ័យទី២ ខណ្ឌមានជ័យ ១០.សង្កាត់ ប៉ុស្តិ៍នគរបាលព្រែកព្នៅ ខណ្ឌព្រែកព្នៅ ១១.សង្កាត់ ប៉ុស្តិ៍នគរបាល​កន្ទោក ខណ្ឌកំបូល ១២.សង្កាត់ ប៉ុស្តិ៍នគរបាលចោមចៅទី៣ ខណ្ឌពោធិ៍សែនជ័យ ១៣.សង្កាត់ ប៉ុស្តិ៍នគរបាលក្រាំងធ្នង់ ខណ្ឌ​សែនសុខ ១៤.សង្កាត់ ប៉ុស្តិ៍នគរបាលដង្កោ ខណ្ឌដង្កោ។វគ្គបណ្តុះបណ្តាលបានបង្ហាត់បង្ហាញដោយគ្រូបង្គោលជំនាញមកពីនាយកដ្ឋានអត្រានុកូលដ្ឋាន នាយកដ្ឋានស្ថិតិប្រជាពលរដ្ឋ នាយកដ្ឋាន​អត្តសញ្ញាណប័ណ្ណសញ្ជាតិខ្មែរ និងនាយកដ្ឋាន​គ្រប់គ្រង​ប្រព័ន្ធ​ព័ត៌មាន​វិទ្យា នៃអគ្គនាយកដ្ឋានអត្តសញ្ញាណកម្ម ក្នុងគោលបំណងដើម្បីពង្រឹង​មន្ត្រីជំនាញនៅថ្នាក់សាលារាជធានី ស្នងការដ្ឋាន សាលាខណ្ឌ អធិការ​ដ្ឋាន សាលាសង្កាត់ និងប៉ុស្តិ៍នគរបាលរដ្ឋបាល ឱ្យមានសមត្ថ​ភាព​យល់​ដឹងដូចខាងក្រោម៖១. ការរៀបចំការអនុវត្ត និងការប្រព្រឹត្តទៅយន្តការច្រក​ចេញចូល​តែ​មួយ​សេវាអត្តសញ្ញាណកម្ម ដែលជាការប្រមូលផ្តុំសេវារដ្ឋ​បាល​អត្តសញ្ញាណកម្មរួមមាន៖ សេវាអត្រានុកូលដ្ឋាន សេវាចុះបញ្ជីស្នាក់នៅ និងសេវាអត្តសញ្ញាណប័ណ្ណសញ្ជាតិខ្មែរ ឱ្យមកស្ថិតនៅក្រោម​ដំបូល​សាលា​សង្កាត់តែមួយ២. នីតិវិធី និងការចុះបញ្ជីតាមប្រព័ន្ធបច្ចេកវិទ្យាគមនាគមន៍ និងព័ត៌មាន ដែលមានប្រព័ន្ធចុះបញ្ជីអត្រានុកូលដ្ឋាន ប្រព័ន្ធចុះបញ្ជីស្នាក់នៅដែល​ជំនួសឱ្យការចុះបញ្ជីទាំងនោះដោយដៃកន្លងមក៣. របៀប និងការប្រើប្រាស់ និងអត្ថប្រយោជន៍ នៃសេវាអត្ត​សញ្ញាណ​កម្មតាមរយៈទូរស័ព្ទវៃឆ្លាត (GDI eService) ដែលអ្នកប្រើ​ប្រាស់​ទូរស័ព្ទ​វែឆ្លាត អាចដោនឡូតយកមកប្រើប្រាស់បានតាមរយៈ App Store និង Play Store។នៅបញ្ចប់វគ្គនីមួយៗក៏មានការប្រគល់ទទួលសម្ភារៈបច្ចេកទេសជូនដល់សាលាសង្កាត់គោលដៅទាំង១៤ សំរាប់យកទៅប្រើប្រាស់​យន្ត​ការច្រកចេញចូលតែមួយសេវាអត្តសញ្ញាណកម្មផងដែរ។ក្នុង​​បរិបទ​​បច្ចុប្បន្ន នៃស្ថានភាពកូវីដ១៩ កំពុងរីករាលដាលខ្លាំង ដើម្បីចូលរួមជាមួយរាជរដ្ឋាភិបាល និងក្រសួងសុខាភិបាល គ្រប់សិក្ខាកាម និងគ្រូបង្គោលគ្រប់​វគ្គបណ្តុះបណ្តាលត្រូវ​បាន​អនុវត្ត​តាមវិធានការណ៍ ០៣កុំ ០៣ការពារ ឱ្យជាប់ជាប្រចាំ៕