ទីស្តីការក្រសួងមហាផ្ទៃ៖ នៅយប់ថ្ងៃអង្គារ ១៤រោច ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែតុលា ឆ្នាំ២០២១ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង តំណាងអគ្គនាយកដ្ឋានអត្តសញ្ញាណកម្ម បាន​អញ្ជើញ​​ចូលរួមជាមួយគណៈប្រតិភូក្រសួងមហាផ្ទៃ ដឹក​នាំ​ដោយ ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ តំណាងដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្ត្រី​ក្រសួងមហាផ្ទៃ ដើម្បីចូលរួម​ក្នុង​កិច្ចប្រជុំសប្ដាហ៍បច្ចេកវិទ្យាអន្ដរជាតិសិង្ហបុរី លើកទី៦ (SICW) ឆ្នាំ២០២១ និងសន្និសីទថ្នាក់រដ្ឋមន្ដ្រីអាស៊ាន ផ្តោត​លើ​ប្រធានបទ «រៀនរស់ជាមួយកូវីដ-១៩» ចាប់ពីថ្ងៃទី០៤ ដល់ថ្ងៃ​ទី០៨ ខែតុលា ឆ្នាំ២០២១ ដែលមាន​ប្រទេស​សឹង្ហ​បុរីធ្វើ​ជាម្ចាស់ផ្ទះរៀបចំកិច្ចប្រជុំតាមរយៈប្រព័ន្ធវីដេអូសន្និសីទ ដោយមានតំណាងមកពីអង្គភាពពាក់ព័ន្ធចំណុះក្រសួងមហាផ្ទៃចូលរួមផងដែរ។