ទីស្ដីការក្រសួងមហាផ្ទៃ៖ នៅរសៀលថ្ងៃពុធ ៦កើត ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១០ ខែវិច្ឆិកា ឆ្នាំ២០២១​ ឯកឧត្តម​ ឧត្តមសេនីយ៍ឯក​ តាត​ និមល​ អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំស្ដីពី សេចក្ដីព្រាងអនុក្រឹត្យ ស្ដីពីការផ្ដល់ប្រាក់រង្វាន់ចំពោះជ័យលាភីកីឡានគរបាលជាតិកម្ពុជា ក្នុងការប្រកួតអន្ដរជាតិ និងប្រាក់រង្វាន់ដល់គ្រូបង្វឹក និងពិភាក្សាអំពីរចនាសម្ព័ន្ធចាត់តាំងគ្រប់គ្រងកីឡាក្រសួងមហាផ្ទៃ​ ក្រោមអធិបតីដ៏ខ្ពង់ខ្ពស់​ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។ ក្នុងកិច្ចប្រជុំនេះក៏មានការចូលរួមពី ឯកឧត្តម រដ្ឋលេខាធិការ​ អនុរដ្ឋលេខាធិការ ឯកឧត្តម តំណាងអគ្គស្នងការនគរបាលជាតិ ឯកឧត្តម អគ្គលេខាធិការ នៃអគ្គលេខាធិការដ្ឋាន ព្រមទាំងឯកឧត្តម​ អគ្គនាយករង​ តំណាងអគ្គនាយកដ្ឋាននានាចំណុះក្រសួងមហាផ្ទៃ និងអង្គភាពកីឡានគរបាលជាតិកម្ពុជា និងអ្នកពាក់ព័ន្ធជាច្រើនរូបទៀត៕