អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃសុក្រ ១១រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៨ ខែមករា ឆ្នាំ២០២២ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំបូកសរុបរបាយការណ៍លទ្ធការងារប្រចាំ ឆ្នាំ២០២១ របស់ក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស និងលើកទិសដៅការងារ ប្រចាំឆ្នាំ២០២២ ព្រមទាំងពិនិត្យពិភាក្សាអំពីវឌ្ឍនភាពនៃការងារដោះស្រាយបញ្ហាប្រឈមរបស់ប្រជាពលរដ្ឋនាពេលកន្លងមក។ កិច្ចប្រជុំនេះមានការអញ្ជើញចូលរួមពីសំណាក់លោកអនុប្រធាននាយកដ្ឋាន លោកនាយ នាយរងការិយាល័យផ្សព្វផ្សាយអប់រំ និងការិយាល័យស្រាវជ្រាវព័ត៌មាន ព្រមទាំងលោកអនុប្រធាន សមាជិកក្រុមការងារប្រចាំការសេវាកម្មអត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម៕