ខេត្តបាត់ដំបង៖ នៅថ្ងៃសៅរ៍ ១០រោច ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៦ ខែកុម្ភៈ ឆ្នាំ២០២២ ការិយាល័យគ្រប់គ្រងការស្នាក់នៅ នៃស្នងការដ្ឋាននគរបាលខេត្តបាត់ដំបង បានចុះត្រួតពិនិត្យការងារគ្រប់គ្រងការស្នាក់នៅ ដល់ប៉ុស្តិ៍នគរបាលរដ្ឋបាលក្នុងស្រុក០៣ រួមមានស្រុកកំរៀង ស្រុកភ្នំព្រឹក និងស្រុកសំពៅលូន សរុបចំនួន ១៧ប៉ុស្តិ៍នគរបាលរដ្ឋបាល និងធ្វើការត្រួតពិនិត្យទៅលើការងារដូចជា ៖ ១. សៀវភៅតាមដានការងារប្រចាំថ្ងៃរបស់ប៉ុស្តិ៍នគរបាលរដ្ឋបាល ២. ត្រួតពិនិត្យលិខិតបទដ្ឋានគតិយុទ្ធ ដែលពាក់ព័ន្ធការងារគ្រប់គ្រងការស្នាក់នៅ ៣. ត្រួតពិនិត្យមើលត្រាប៉ុស្តិ៍នគរបាលរដ្ឋបាលទាំង០៧ ពាក់ព័ន្ធការងារគ្រប់គ្រងការស្នាក់នៅ ៤. ត្រួតពិនិត្យការងារចាប់ពី ក១ ដល់ ក៩ ៥. ជំរុញការចុះឈ្មោះ លើការស្នាក់នៅបណ្ដោះអាសន្ន ៦. ធ្វើការណែនាំរាល់ចំណុចខ្វះខាតរបស់ប៉ុស្តិ៍នគរបាលរដ្ឋបាល។