ខេត្តព្រៃវែង៖ នៅថ្ងៃសុក្រ ១៥កើត ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី១៣ ខែកញ្ញា ឆ្នាំ២០១៩ លោកឧត្តមសេនីយ៍ឯក ឃៀង សុគន្ធា ប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរ បានអញ្ជើញធ្វើបទអន្តរាគមន៍អំពីនីតិវិធីយន្តការផ្តល់អត្តសញ្ញាណប័ណ្ណសញ្ជាតិខ្មែរ និងដោះស្រាយបញ្ហាមួយចំនួន នៃការងារអត្តសញ្ញាណប័ណ្ណសញ្ជាតិខ្មែរ របស់សមាជិក ប.ស.ស ខេត្តព្រៃវែង។ ក្នុងនោះក៏មានការអញ្ជើញចូលរួម ឯកឧត្តម ចាន់ ថា អភិបាលរងខេត្ត លោកឧត្តមសេនីយ៍ត្រី គង់ ណាត ស្នងការរងទទួលផែនអត្តសញ្ញាណកម្ម លោកអភិបាលរងក្រុង/ស្រុកទទួលផែនអត្តសញ្ញាណកម្ម លោកស្រី សួន ច័ន្ទតារា តំណាងសាលាដំបូងខេត្ត លោកនាយការិយាល័យអត្តសញ្ញាណប័ណ្ណសញ្ជាតិខ្មែរ និងលោកនាយ ការិយាល័យគ្រប់គ្រងការស្នាក់នៅ លោកអធិការរងក្រុង/ស្រុក ទទួលផែនអត្តសញ្ញាណកម្ម លោកមេឃុំ/ចៅសង្កាត់ គ្រប់ឃុំ/សង្កាត់ ព្រមទាំងលោកនាយប៉ុស្តិ៍នគរបាលរដ្ឋបាល គ្រប់ប៉ុស្តិ៍ និងតំណាង កម្មករ និយោជិក ក្រុមហ៊ុន រោងចក្រ សហគ្រាស សរុបរួមចំនួន ៣៣០នាក់។
ជាលទ្ធផលក្នុងបទអន្តរាគមន៍នេះរួមមានដូចខាងក្រោម៖
១/-​បានបញ្ជាក់ពីនីតិវិធីផ្តល់អត្តសញ្ញាណប័ណ្ណសញ្ជាតិខ្មែរ មានដូចជា ឯកសារ​ ទីកន្លែង​ និងរយ:ពេលនៃការផ្តល់អត្តសញ្ញាណប័ណ្ណសញ្ជាតិខ្មែរ។
២/-​បញ្ជាក់ជូននូវអនុសាសន៍​ ដឹកនាំដ៏ខ្ពង់ខ្ពស់ របស់ឯកឧត្ដម​ អគ្គនាយក នៃអគ្គនាយកដ្ឋានអត្តសញ្ញាណកម្ម អំពី​មូលហេតុអត្តសញ្ញាណប័ណ្ណសញ្ជាតិខ្មែរ បាត់ច្រេីន​ ការ​បញ្ជូនទិន្នន័យ​ ការមកបេីកអត្តសញ្ញាណប័ណ្ណសញ្ជាតិខ្មែរ ទៅចែកជូនប្រជាពលរដ្ឋ មានការយឺយ៉ាវ​ និង​ណែនាំឲ្យយកចិត្តទុកដាក់ផ្តល់អត្តសញ្ញាណប័ណ្ណសញ្ជាតិខ្មែរ ដល់អ្នកដែលចុះឈ្មោះដោយប្រេីអត្តសញ្ញាណប័ណ្ណសញ្ជាតិខ្មែរ ចាស់​ និងលិខិតបញ្ជាក់ឯកសារអត្តសញ្ញាណ ជាពិសេសទិន្នន័យនៅសល់ឆ្នាំចាស់ និងផែនការឆ្នាំ២០១៩ ។
ចំពោះ​អ្នកចុះឈ្មោះបោះឆ្នោតប្រេីអត្តសញ្ញាណប័ណ្ណសញ្ជាតិខ្មែរចាស់​ និងបញ្ជាក់ឯកសារអត្តសញ្ញាណ ជំនាញប្តេជ្ញា​សហការអនុវត្តន៍ផ្ដល់អត្តសញ្ញាណប័ណ្ណសញ្ជាតិខ្មែរ គំរូថ្មី​ឱ្យបានអស់ ។
៣/-រកឃេីញមានបញ្ហា​ ០៧ករណី​​ថតច្រើនដងមិនទទួលបានអត្តសញ្ញាណប័ណ្ណសញ្ជាតិខ្មែរថតច្រើនដងដោយកែទិន្នន័យ និងរកដំណោះស្រាយជូន ០៣ករណី ដែលខុសបច្ចេកទេសមិនបានបញ្ចូលលេខអត្តសញ្ញាណប័ណ្ណសញ្ជាតិខ្មែរ គំរូចាស់ចូល ។
រីឯ ០៤ករណីទៀតមិនអាចផ្តល់បាន ដោយឯកសារមានត្រឹមត្រូវនៅក្នុងប្រព័ន្ធ ហើយកែទិន្នន័យ៕