រាជធានីភ្នំពេញ៖ នៅព្រឹកថ្ងៃព្រហស្បតិ៍ ១៤រោច ខែផល្គុន ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣១ ខែមីនា ឆ្នាំ២០២២ លោកឧត្តមសេនីយ៍ឯក ឃៀង សុគន្ធា ប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរ នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពក្នុងពិធីបើកកម្មវិធីបំប៉នការប្រើប្រាស់កម្មវិធីស្រង់ទិន្នន័យផ្ដល់អត្តសញ្ញាណប័ណ្ណសញ្ជាតិខ្មែរ ជូនដល់មន្រ្តីនគរបាលជាតិ ដែលមកពីស្នងការដ្ឋាននគរបាលទាំង២៥ រាជធានី-ខេត្ត។ ក្នុងពិធីនេះក៏មានការចូលរួមពី លោកស្នងការរងទទួលផែនអត្តសញ្ញាណកម្មទាំង២៥ រាជធានី-ខេត្ត លោក លោកស្រីនាយការិយាល័យ ចំណុះនាយកដ្ឋានអត្តសញ្ញាណប័ណ្ណសញ្ជាតិខ្មែរ ព្រមទាំង តំណាងក្រុមការងារក្រុមហ៊ុន អេច អេស ស៊ី ខូអិលធីឌី និងលោក លោកស្រីជាសិក្ខាកាមដែលមកពីស្នងការដ្ឋាននគរបាលទាំង២៥ រាជធានី-ខេត្តជាច្រើនផងដែរ៕