ទីស្នាក់ការផ្តល់លិខិតធ្វើដំណើរទៅធ្វើការនៅបរទេស នៅសាខាផ្សារស្ទឹងមានជ័យ៖ ថ្ងៃពុធ ៥រោច ខែភទ្របទ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី១៨ ខែកញ្ញា ឆ្នាំ២០១៩ សកម្មភាពផ្តល់សេវាសាធារណៈ ជូនប្រជាពលរដ្ឋ របស់មន្រ្តីនៅទីស្នាក់ការផ្តល់លិខិតធ្វើដំណើរទៅធ្វើការនៅបរទេស និងប័ណ្ណពលករកម្ពុជាធ្វើការនៅបរទេសថ្មី ដែលមានអាស័យដ្ឋាននៅជាន់ទី០២ ផ្សារស្ទឹងមានជ័យថ្មីស្ថិតនៅក្នុង សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ រយៈពេលសម្រាប់ការផ្តល់សេវា(ថ្ងៃធ្វើការ) មាន៥ថ្ងៃ ចាប់ពីថ្ងៃចន្ទ ដល់ថ្ងៃសុក្រ និងម៉ោងធ្វើការងារចាប់ពីម៉ោង៨:០០ព្រឹក បិទនៅម៉ោង៥:០០ល្ងាច។
+ប្រជាពលរដ្ឋខែ្មរដែលអញ្ញើញមកធ្វើលិខិតធ្វើដំណើរទៅធ្វើការនៅបរទេស និងប័ណ្ណពលករកម្ពុជាធ្វើការនៅ បរទេសថ្មី ត្រូវភ្ជាប់មកនូវឯកសារដូចខាងក្រោម៖
-អត្តសញ្ញាណប័ណ្ណសញ្ជាតិខ្មែរ(ស៊េរីថ្មី)
-ប័ណ្ណពលករកម្ពុជាទៅធ្វើការនៅបរទេស ដែលចេញដោយក្រសួងការងារ និងបណ្តុះបណ្ដាលវិជ្ជាជីវៈ
+ប្រសិនបើករណីប្រជាពលរដ្ឋមិនទាន់មានអត្តសញ្ញាណប័ណ្ណសញ្ជាតិខ្មែរទេ ត្រូវភ្ជាប់មកជាមួយនូវឯកសារ៖
-សៀវភៅគ្រួសារ ឬសៀវភៅស្នាក់នៅ
-សេចក្តីចម្លងសំបុត្រកំណើត
-ប័ណ្ណពលករកម្ពុជាទៅធ្វើការនៅបរទេស ដែលចេញដោយក្រសួងការងារ និងបណ្តុះបណ្ដាលវិជ្ជាជីវៈ
+ប្រសិនបើករណីប្រជាពលរដ្ឋមិនមានសៀវភៅគ្រួសារ ឬសៀវភៅស្នាក់នៅ ត្រូវភ្ជាប់មកជាមួយនូវឯកសារ៖
-សេចក្តីចម្លងសំបុត្រកំណើត
-លិខិតបញ្ជាក់ទីលំនៅដែលចេញដោយមេឃុំ ចៅសង្កាត់
-ប័ណ្ណពលករកម្ពុជាទៅធ្វើការនៅបរទេស ដែលចេញដោយក្រសួងការងារ និងបណ្តុះបណ្ដាលវិជ្ជាជីវៈ
សូមទំនាក់ទំនងតាមលេខទូរស័ព្ទ ០១៥ ៩០៩ ០៥១ រៀងរាល់ម៉ោងធ្វើការ៕