អគ្គនាយកដ្ឋានអត្តសញ្ញាណកម្ម៖ នៅថ្ងៃព្រហស្បតិ៍ ៥រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២១ និងថ្ងៃសុក្រ ៦រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២២ ខែមេសា ឆ្នាំ២០២២ ឯកឧត្តម ឧត្តមសេនីយ៍ឯក តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំបន្តលើកទី០៦ និងលើកទី០៧ ដែលមានរយៈពេលពីរថ្ងៃ ចាប់ពីថ្ងៃទី២១ ដល់ថ្ងៃទី២២ ខែមេសា ឆ្នាំ២០២២ ដើម្បីពិនិត្យ និងពិភាក្សាទៅលើបៀបវារៈចំនួន ០៣ចំណុចរួមមាន៖១.ពិនិត្យវឌ្ឍនភាពការងារ២.កែសម្រួលសេចក្តីព្រាងអនុក្រឹត្យស្តីពីការចុះបញ្ជីអត្តសញ្ញាណប័ណ្ណ សេចក្តីព្រាងប្រកាស ស្តីពីការចុះបញ្ជីស្នាក់នៅ៣.បញ្ហាផ្សេងៗកិច្ចប្រជុំនេះក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោកអនុប្រធាននាយកដ្ឋាន និងសមាជិក សមាជិកាក្រុមការងារទាំងអស់ផងដែរ៕