ខេត្តស្វាយរៀង៖ ថ្ងៃសុក្រ ៦កើត ខែអស្សុជ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី៤ ខែតុលា ឆ្នាំ២០១៩ លោកឧត្តមសេនីយ៍ឯក ឃៀង សុគន្ធា ប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរ បានអញ្ជើញធ្វើបទអន្តរាគមន៍អំពីនីតិវិធីយន្តការផ្តល់អត្តសញ្ញាណប័ណ្ណសញ្ជាតិខ្មែរ និងដោះស្រាយបញ្ហាមួយចំនួន នៃការងារអត្តសញ្ញាណប័ណ្ណសញ្ជាតិខ្មែរ របស់សមាជិក ប.ស.ស. ខេត្តស្វាយរៀង។ក្នុងនោះក៏មានការអញ្ជើញចូលរួម ឯកឧត្តមអភិបាលរងខេត្ត លោកឧត្តមសេនីយ៍ត្រី ស្នងការរងទទួលផែនអត្តសញ្ញាណកម្ម លោកអភិបាលរងក្រុង/ស្រុក លោកស្រី មួង ខ្នី ដំណាងសាលា​ដំបូងខេត្ត លោកនាយការិយាល័យអត្តសញ្ញាណប័ណ្ណសញ្ជាតិខ្មែរ និងលោកនាយ ការិយាល័យគ្រប់គ្រងការស្នាក់នៅ លោកអធិការរងក្រុង/ស្រុក ទទួលផែនអត្តសញ្ញាណកម្ម លោកមេឃុំ/ចៅសង្កាត៉ លោកនាយប៉ុស្តិ៍នគរបាលរដ្ឋបាល និងតំណាង កម្មករ និយោជិក ក្រុមហ៊ុន រោងចក្រ សហគ្រាស សរុបរួមចំនួន ៣២០នាក់។
​-ជាលទ្ធផល នៃបទអន្តរាគមន៍រួមមាន៖
១/បានបញ្ជាក់ពីនីតិវិធីផ្តល់អត្តសញ្ញាណប័ណ្ណសញ្ជាតិខ្មែរ មានដូចជា ឯកសារ​ ទីកន្លែង​ និងរយៈពេលនៃការផ្តល់អត្តសញ្ញាណប័ណ្ណសញ្ជាតិខ្មែរ ។
២/បញ្ជាក់ជូននូវអនុសាសន៍​ ដឹកនាំដ៏ខ្ពង់ខ្ពស់ របស់ ឯកឧត្ដម​អគ្គនាយក នៃអគ្គនាយកដ្ឋានអត្តសញ្ញាណកម្ម អំពី​មូលហេតុអត្តសញ្ញាណប័ណ្ណសញ្ជាតិខ្មែរ បាត់ច្រេីន​ការ​បញ្ជូនទិន្នន័យ​ ការមកបេីកអត្តសញ្ញាណប័ណ្ណសញ្ជាតិខ្មែរ ទៅចែកជូនប្រជាពលរដ្ឋ មានការយឺយ៉ាវ​ និង​ណែនាំឱ្យយកចិត្តទុកដាក់ផ្តល់អត្តសញ្ញាណប័ណ្ណសញ្ជាតិខ្មែរ ដល់អ្នកដែលចុះឈ្មោះដោយប្រេីអត្តសញ្ញាណប័ណ្ណសញ្ជាតិខ្មែរចាស់​ និងលិខិតបញ្ជាក់ឯកសារអត្តសញ្ញាណ ជាពិសេសទិន្នន័យនៅសល់ឆ្នាំចាស់ និងផែនការឆ្នាំ២០១៩ ។ចំពោះ​អ្នកចុះឈ្មោះបោះឆ្នោតប្រេីអត្តសញ្ញាណប័ណ្ណសញ្ជាតិខ្មែរចាស់​ និងបញ្ជាក់ឯកសារអត្តសញ្ញាណជំនាញប្តេជ្ញា​ សហការអនុវត្តន៍ផ្ដល់អត្តសញ្ញាណប័ណ្ណសញ្ជាតិខ្មែរគំរូថ្មី​ឱ្យបានអស់ ។
៣/បញ្ជាក់ការកែទិន្នន័យ​ កែអក្សរឡាតាំង​។
៤/រកឃេីញមានបញ្ហា​០៦ករណី​​ថតច្រើនដងមិនទទួលបានអត្តសញ្ញាណប័ណ្ណសញ្ជាតិខ្មែរ ថតច្រើនដងដោយកែទិន្នន័យ និងរកដំណោះស្រាយជូន០៤ករណី ដែលខុសបច្ចេកទេសនៃការបញ្ចូលទិន្នន័យ ។រីឯ០២ករណីទៀតមិនអាចផ្តល់បាន ដោយឯកសារមានត្រឹមត្រូវនៅក្នុងប្រព័ន្ធ ហើយកែទិន្នន័យ ។
៥/ករណី ខ្ចីឯកសារគ្នា ដើម្បីបានថតអត្តសញ្ញាណប័ណ្ណសញ្ជាតិខ្មែរ។