រាជធានីភ្នំពេញ៖ នៅព្រឹកថ្ងៃអង្គារ ១៥កើត ខែជេស្ឋ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៤ ខែមិថុនា ឆ្នាំ២០២២ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមសិក្ខាសាលាថ្នាក់ជាតិ ស្ដីពី ការអនុវត្តថ្នាក់ជាតិ លើផែនការសកម្មភាពមហាអនុតំបន់មេគង្គខមមីតទី៤ (SPA IV) និងការពិគ្រោះយោបល់ថ្នាក់ជាតិលើកទី១ លើកការតាក់តែងយន្តការបញ្ជូនឆ្លងដែន (Trans-National Referral Mechanism TRM) ក្រោមអធិបតីភាព លោកជំទាវ កិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី ដែលប្រព្រឹត្តទៅរយៈពេលពីរថ្ងៃ នៅថ្ងៃទី១៤-១៥ ខែមិថុនា ឆ្នាំ២០២២ នៅសណ្ឋាគារកាំបូឌីយ៉ាណា រាជធានីភ្នំពេញ។ កិច្ចប្រជុំនេះក៏មានការអញ្ជើញចូលរួមពី ឯកឧត្តម លោកជំទាវ លោក លោកស្រីដែលជាសមាជិក សមាជិកាក្រុមការងារក្រសួងកិច្ចការនារី ព្រមទាំងឯកឧត្តម លោកជំទាវ អគ្គនាយករង លោក លោកស្រី តំណាងអគ្គនាយកដ្ឋានចំណុះក្រសួងមហាផ្ទៃ តំណាងអង្គភាពចំណុះក្រសួង ស្ថាប័ន ដែលពាក់ព័ន្ធ និងតំណាងអង្គការក្រៅរដ្ឋាភិបាលជាច្រើនរូបទៀត៕