សាលប្រជុំអគ្គនាយកដ្ឋានអន្តោប្រវេសន៍៖ នៅព្រឹកថ្ងៃអង្គារ ៤រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៦ ខែសីហា ឆ្នាំ២០២២ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម និងឯកឧត្ដម នាយឧត្ដមសេនីយ៍ គៀត ច័ន្ទថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ បានអញ្ជើញជាអធិបតីភាពក្នុងកិច្ចប្រជុំស្ដាប់បទបង្ហាញ និងពិភាក្សាលើគម្រោងសាងសង់អគារអគ្គនាយកដ្ឋានអត្តសញ្ញាណកម្ម និងអគារអគ្គនាយកដ្ឋានអន្តោប្រវេសន៍ថ្មី ដែលមានទីតាំងនៅតាមបណ្ដោយផ្លូវ៦០ម៉ែត្រ។ក្នុងកិច្ចប្រជុំនេះក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន ព្រមទាំងក្រុមការងារបច្ចេកទេសផងដែរ៕