ក្រុមការងារប្រអប់សំបុត្រទទួលមតិ សំណូមពរប្រជាពលរដ្ឋ៖ នៅថ្ងៃចន្ទ ៣កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៩ ខែសីហា ឆ្នាំ២០២២ ក្រុមការងារ​ប្រអប់​សំបុត្រទទួលមតិ សំណូមពរប្រជាពលរដ្ឋ  ដឹកនាំ​ដោយ​ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមការងារ បានដឹកនាំក្រុមការ​ងារ​ចុះបើក​ប្រអប់សំបុត្រ ដែលបានដាក់នៅទីតាំង​ផ្តល់សេវា​លិខិត​ឆ្លងដែន នៅប៉ោយប៉ែត ខេត្តបន្ទាយមានជ័យ និងខេត្តបាត់​ដំបង ដើម្បីយកមកពិនិត្យ និងដោះស្រាយជូនប្រជាពលរដ្ឋ ក្នុងគោលបំណងចូលរួម បង្កើនប្រសិទ្ធភាព នៃការផ្តល់​សេវា​អត្តសញ្ញាណកម្មឱ្យកាន់តែល្អប្រសើរ និងប្រកបដោយ​តម្លាភាព ព្រមទាំងមានការទទួលខុសត្រូវ។