អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១ ខែកញ្ញា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង និងជាប្រធានក្រុមការងារ បានដឹកនាំកិច្ចប្រជុំវឌ្ឍនភាពការងាររបស់ក្រុមការងារគាំទ្រយន្តការច្រកចេញ ចូលតែមួយសេវាអត្តសញ្ញាណកម្មនៅថ្នាក់ឃុំ សង្កាត់ ដែលបានពិភាក្សាទៅលើ របាយការណ៍បូកសរុបលទ្ធផលការងារដែលបានអនុវត្តកន្លងមករបស់ក្រុមការងារ និងសេចក្តីព្រាងរបាយការណ៍ ស្តីពី ការចុះត្រួតពិនិត្យ គាំទ្រ និងពង្រឹងការអនុវត្តយន្តការច្រកចេញ ចូលតែមួយសេវាអត្តសញ្ញាណកម្មនៅថ្នាក់ឃុំ សង្កាត់ នៅតាមបណ្តាសង្កាត់គោលដៅទាំង១៤ ក្នុងរាជធានីភ្នំពេញ ទិសដៅការងារអនុវត្តបន្ត និងបញ្ហាផ្សេងៗ ផងដែរ។ក្នុងកិច្ចប្រជុំនេះក៏មានការអញ្ជើញចូលរួម លោកប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោក អនុប្រធាននាយកដ្ឋាន និងលោក លោកស្រីនាយ នាយរងការិយាល័យ ចំណុះនាយកដ្ឋានគ្រប់គ្រងប្រព័ន្ធព័ត៌មានវិទ្យា នាយកដ្ឋានអត្តសញ្ញាណប័ណ្ណសញ្ជាតិខ្មែរ នាយកដ្ឋានសិ្ថតិប្រជាពលរដ្ឋ និងនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម ដែលជាអនុប្រធានអចិន្ត្រៃយ៍ និងសមាជិក សមាជិកា របស់ក្រុមការងារសរុបចំនួន២៣នាក់ផងដែរ៕