ខេត្តព្រៃវែង៖ នៅព្រឹកថ្ងៃពុធ ៣កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៨ ខែកញ្ញា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូល​រួម​ក្នុង​ពិធីសម្ពោធនូវសមិទ្ធិផលនានាក្នុងស្រុកស្វាយអន្ទរ នៅវិទ្យាល័យ ហ៊ុនសែន ពានរោង ដែលស្ថិត​នៅ​ក្នុង​ភូមិព្រៃជ្រាំង ឃុំពានរោង ស្រុកស្វាយអន្ទរ ខេត្តព្រៃវែង ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង នាយករដ្ឋមន្ត្រីស្តីទី។ ពិធីនេះមានការអញ្ជើញ​ចូលរួម​​ពី​សំណាក់ ឯកឧត្តម អ្នកតំណាងរាស្រ្ត ខេត្តព្រៃវែង ឯកឧត្តម សន្តិបណ្ឌិត រដ្ឋលេខាធិការ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ឯកឧត្តម ឧត្តមសេនីយ៍ អគ្គនាយកពន្ធនាគារ ឯកឧត្តម នាយឧត្តម​សេនីយ៍-ឧត្តមសេនីយ៍ឯក អគ្គស្នងការរងនគរបាលជាតិ ឯកឧត្តម ប្រធានក្រុមប្រឹក្សាខេត្ត ឯកឧត្តម អភិបាលខេត្ត លោកឧកញ៉ា ឯកឧត្តម លោកជំទាវ លោក លោកស្រី អភិបាលរងខេត្ត ប្រធាននាយកដ្ឋាន អភិបាលក្រុងស្រុក និងភ្ញៀវកិត្តយសជាច្រើននាក់ទៀត៕