ខេត្តព្រៃវែង៖ នៅព្រឹកថ្ងៃអាទិត្យ ៧កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែតុលា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា​ អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយក​ដ្ឋានអត្តសញ្ញាណកម្ម បានអញ្ជើញចូលរួមក្នុងពិធីចុះពិនិត្យ និងព្យាបាល​ជំងឺដោយ​ឥតគិត​ថ្លៃជូនប្រជាពលរដ្ឋរស់នៅក្នុងស្រុកកំចាយមារ ខេត្តព្រៃវែង ដោយក្រុមគ្រូពេទ្យស្ម័គ្រចិត្ត ស សុខា នៅសាលាបឋមសិក្សាក្របៅចាស់ ស្ថិតនៅឃុំក្របៅចាស់ ស្រុកកំចាយមារ ខេត្តព្រៃវែង ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង និងលោកជំទាវ ញ៉ែម សាខន ស ខេង។ កម្មវិធីនេះក៏មានការអញ្ជើញចូលរួមពីសំណាក់ ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធាន​ក្រុម​គ្រូពេទ្យ​ស្ម័គ្រចិត្ត ស សុខា​ ឯកឧត្តមអ្នកតំណាងរាស្រ្ត ខេត្តព្រៃវែង ឯកឧត្តម សន្តិបណ្ឌិត រដ្ឋលេខាធិការក្រសួងមហាផ្ទៃ ឯកឧត្តម ឧត្តមសេនីយ៍ឯក អគ្គនាយកពន្ធនាគារ ឯកឧត្តម នាយឧត្តមសេនីយ៍ ឯកឧត្តម ឧត្តមសេនីយ៍ឯក អគ្គស្នងការរងនគរបាលជាតិ ឯកឧត្តម ប្រធានក្រុមប្រឹក្សាខេត្ត ឯកឧត្តម អភិបាលខេត្ត ឯកឧត្តម លោកជំទាវ លោកឧកញ៉ា លោក លោកស្រី អភិបាលរងខេត្ត ប្រធាននាយកដ្ឋាន អភិបាលក្រុងស្រុក និងភ្ញៀវកិត្ត​យស​ជា​ច្រើននាក់ទៀតផងដែរ៕