រាជធានីភ្នំពេញ៖ នៅព្រឹកថ្ងៃពុធ ១០កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៥ ខែតុលា ឆ្នាំ២០២២ ឯកឧត្តម សុខ ចំរើន អគ្គនាយករង នៃអគ្គនាយក​ដ្ឋាន​អត្តសញ្ញាណកម្ម និងជាប្រធានក្រុមការងារ​ស្នូលសម្រាប់​គាំទ្រ​ដល់កម្មវិធីកែលម្អប្រព័ន្ធចុះបញ្ជីអត្រានុកូលដ្ឋាន ស្ថិតិអត្រានុកូលដ្ឋាន បានអញ្ជើញដឹក​នាំកិច្ច​ប្រជុំរបស់​ក្រុម​ការ​ងារ ដើម្បីពិនិត្យ និងអនុម័តទៅលើផែន​ទីដំណើរ​ការ​ការ​ងារ (Business Process Maps) នៅសណ្ឋាគារហ៊ីម៉ាវ៉ារី។ កិច្ចប្រជុំនេះមានការអញ្ជើញចូលរួមពីសំណាក់ ឯកឧត្តម អគ្គនាយករង លោកប្រធាននាយកដ្ឋាន លោក លោកស្រី​អនុ​ប្រធាននាយកដ្ឋាន និងមន្ត្រីពាក់ព័ន្ធ នៃអគ្គនា​យកដ្ឋាន​អត្តសញ្ញាណកម្មក្រសួងមហាផ្ទៃ ក្រសួងផែនការ ក្រសួង​សុខាភិបាល ដែលជាអនុប្រធាន សមាជិកក្រុមការងារស្នូល ព្រមទាំងអ្នកពាក់ព័ន្ធផ្សេងទៀត រួមនឹងតំណាងអង្គការ Vital Strategies ប្រចាំកម្ពុជាផងដែរ៕