រាជធានីភ្នំពេញ៖ នៅថ្ងៃព្រហស្បតិ៍ ១១កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៦ ខែតុលា ឆ្នាំ២០២២ នៅសាលប្រជុំសណ្ឋាគារហ៊ីម៉ាវ៉ារី ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង និងជា​ប្រធាន​ក្រុមការងារបច្ចេកទេស អគ្គនាយកដ្ឋាន​អត្តសញ្ញា​ណ​កម្ម ក្នុងការងារតភ្ជាប់ប្រព័ន្ធពីមូលដ្ឋានសុខាភិបាល មក​ប្រព័ន្ធចុះបញ្ជីអត្រានុកូលដ្ឋាន ដើម្បីជូនដំណឹង​អំពីព្រឹត្តិ​ការណ៍​កំណើតរស់ មរណភាព និងមូលហេតុ​នៃមរណភាព​នៅតាមយន្តការច្រកចេញចូលតែមួយសេវាអត្តសញ្ញាណកម្មនៅថ្នាក់ឃុំសង្កាត់ បានដឹកនាំកិច្ចប្រជុំលើកទី៦ ស្ដីអំពី ការតភ្ជាប់ប្រព័ន្ធពីមូលដ្ឋានសុខាភិបាល ទៅប្រព័ន្ធ​ចុះ​បញ្ជី​អត្រានុកូលដ្ឋាន ដើម្បី "ពិនិត្យ ពិភាក្សា សម្រេច លើផែន​ការសកម្មភាពរួមរបស់ អគ្គនាយកដ្ឋានអត្តសញ្ញាណកម្ម ក្រសួងសុខាភិបាល និងវិទ្យាស្ថានជាតិ​ស្ថិតិ​ក្រសួង​ផែនការ"។

កិច្ចប្រជុំនេះមានការអញ្ជើញចូលរួមពីសំណាក់ លោក​ឧត្តម​សេនីយ៍ទោ ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោក លោកស្រី អនុប្រធាននាយកដ្ឋាន និងមន្ត្រីពាក់ព័ន្ធ នៃអគ្គនាយកដ្ឋានអត្តសញ្ញាណកម្ម និងឯកឧត្តម លោក លោកស្រី ប្រធាន អនុប្រធាននាយកដ្ឋាន មន្រ្តីពាក់ព័ន្ធ នៃក្រសួងផែនការ ក្រសួងសុខាភិបាល ព្រមទាំង​តំណាង​អង្គការ Vital Strategies ប្រចាំកម្ពុជាផងដែរ៕