អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃសុក្រ ៤រោច ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៤ ខែតុលា ឆ្នាំ២០២២ ឯកឧត្តម ឧត្តមសេនីយ៍ទោ អ៊ុកចាយ បញ្ញារ៉ា អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអនុញ្ញាតឱ្យ ទីភ្នាក់ងារសហប្រតិបត្តិការអន្តជាតិ នៃប្រទេសជប៉ុន ដឹកនាំដោយ Mr. Tomoya YOSHIDA, អគ្គនាយករងទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន (ចៃកា JICA) និងសហការី ចូលជួបពិភាក្សាការងារ ស្ដីពី កិច្ចសហប្រតិបត្តិការទៅជាឌីជីថលនីយកម្ម។ គោលបំណង នៃកិច្ចប្រជុំនាថ្ងៃនេះគឺដើម្បីពិភាក្សា និងស្វែងរកអំពីលទ្ធភាព នៃកិច្ចសហប្រតិបត្តិការទៅឌីជីថលនីយកម្មនៅតាមបណ្តាក្រសួងស្ថាប័នពាក់ព័ន្ធ។

កិច្ចប្រជុំនេះមានការអញ្ជើញចូលរួមពីសំណាក់ លោកឧត្តមសេនីយ៍ឯក ប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរ លោកឧត្តមសេនីយ៍ទោ ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោក លោកស្រី និងមន្ត្រីពាក់ព័ន្ធ នៃអគ្គនាយកដ្ឋានអត្តសញ្ញាណកម្ម ទីប្រឹក្សាបច្ចេកទេស នៃទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន និង តាមរយៈប្រព័ន្ធវីដេអូ (Teams) ពីស្នាក់ការកណ្តាលចៃកានាទីក្រុងតូក្យូផងដែរ៕