ខេត្តព្រះវិហារ៖ នៅថ្ងៃសុក្រ ១១កើត ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៤ ខែវិច្ឆិកា ឆ្នាំ២០២២ ឯកឧត្ដម ផុន លីវិរៈ អគ្គនាយករង បានដឹកនាំមន្រ្តីជំនាញនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានចុះត្រួតពិនិត្យ និងគាំទ្រការអនុវត្តការងារអត្រានុកូលដ្ឋាន នៅសាលាក្រុងព្រះវិហារ ខេត្តព្រះវិហារ។ ដោយមានការអញ្ជើញចូលរួមពី លោកអភិបាលរងក្រុង លោកប្រធានការិយាល័យរដ្ឋបាល លោក លោកស្រីអនុប្រធានការិយាល័យរដ្ឋបាល និងលោកចៅសង្កត់ ស្មៀន សរុបចំនួន ២៦នាក់៕