ខេត្តព្រៃវែង ៖ ថ្ងៃចន្ទ ៨កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី៤ ខែវិច្ឆិកា ឆ្នាំ២០១៩ ឯកឧត្ដម ឧត្ដមសេនីយ៍ឯក វុធ ផល្លី អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារថ្នាក់ជាតិចុះមូលដ្ឋានឃុំល្វេ ស្រុកស៊ីធរកណ្តាល ខេត្តព្រៃវែង បានអញ្ជើញជាអធិបតីភាពក្នុងវេទិកាសាធារណៈ របស់ក្រុមការងារថ្នាក់ជាតិចុះមូលដ្ឋាន និងគាំទ្រការអនុវត្តកម្មពិធីនយោបាយ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាបាលកម្ពុជា នៅក្នុងវត្តអំបែងចេះ ស្ថិតនៅក្នុងភូមិអំបែងចេះ ឃុំល្វេ ស្រុកស៊ីធរកណ្តាល ខេត្តព្រៃវែង។ក្នុងនោះក៏មានការអញ្ជើញចូលរួមដោយ លោក យឹម យូគង់ អភិបាល នៃគណៈអភិបាលស្រុកស៊ីធរកណ្ដាលនឹងមានអ្នកចូលរួមសរុប ១៥០នាក់ ស្ត្រី ៥៦នាក់ និងក្រុមការងារថ្នាក់ជាតិចំនួន ២២នាក់។ក្នុងពិធីនោះដែរ ឯកឧត្តម ប្រធានក្រុមការងារថ្នាក់ជាតិ​បានដោះស្រាយ​បញ្ហាប្រឈម និងសំណូមពររបស់ប្រជាពលរដ្ឋ រួមមានដូចជា៖
-ប្រជាពលរដ្ឋមានសំណូមពរសុំជួយជួសជុលផ្លូវពីរខ្សែៈ
១-ផ្លូវពីគល់ស្ពានជ្រោយសរសិតដល់គល់ស្ពានព្រែកសណ្ដែកចំងាយ៤,៥០០ម៉ែត្រ
២-ផ្លូវពីភូមិកោងស្រែដល់ភូមិព្រៃដើមថ្នឹងចំងាយ ៧,០០០ម៉ែត្រ
-ឯកឧត្តម ប្រធានក្រុមការងារថ្នាក់ជាតិបានដោះស្រាយបញ្ហាប្រឈម និងសំណូមពររបស់ប្រជាពលរដ្ឋ ដោយនៅពេលឆាប់ៗ ខាងមុខនេះនឹងធ្វើការឈូសឆាយកែម្រួលផ្លូវមួយខ្សែប្រវែង៤,៥០០ម៉ែត្រជូន ចំពោះផ្លូវមួយខ្សែទៀតរហូតដល់ ឆ្នាំ២០២១ ទើបក្រុមហ៊ុនប្រទេសកូរ៉េសាងសង់ថ្មីជូន។ ឯកឧត្តម ក៏បានផ្ដល់ការបិតការ៉ូជូនសាលាមតេយ្យមួយបន្ទប់ ដែលស្ថិតនៅក្នុងសាលាបឋមសិក្សាហ៊ុនសែនអំបែងចេះ និងបានចំណាយថវិកាមួយចំនួនសម្រាប់រៀបចំកម្មវិធីវេទិកាសាធារណៈនេះផងដែរ៕