នាយកដ្ឋានស្ថិតិប្រជាពលរដ្ឋ៖ នាព្រឹកថ្ងៃពុធ ១៤កើត ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៧ ខែធ្នូ ឆ្នាំ២០២២ ឯកឧត្តម ឧត្តមសេនីយ៍ឯក សុក ធី អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតិភាពក្នុងពិធីបិទវគ្គបំប៉នសមត្ថភាពលើជំនាញ ស្តីពី “ការចុះបញ្ជីគ្រប់គ្រងការស្នាក់នៅ និងនីតិវិធីចុះបញ្ជីផ្ដល់សៀវភៅស្នាក់នៅតាមប្រព័ន្ធបច្ចេកវិទ្យា”។

ក្នុងនោះឯកឧត្តម ឧត្តមសេនីយ៍ឯក អគ្គនាយករង បានប្រគល់លិខិតថ្លែងអំណរអរគុណដល់គ្រូបង្គោលចំនួន ០៦រូប ព្រមទាំងប្រគល់វិញ្ញាបនប័ត្របញ្ជាក់ការសិក្សាជូនដល់សិក្ខាកាមផងដែរ។

ពិធីនេះក៏មានការអញ្ជើញចូលរួមពី លោកគ្រូបង្គោល លោកអនុប្រធាននាយកដ្ឋាន លោក លោកស្រីនាយ នាយរងការិយាល័យ ចំណុះនាយកដ្ឋានស្ថិតិប្រជាពលរដ្ឋ និងសិក្ខាកាម សរុបចំនួន ៣២រូប (ស្រីចំនួន ០៦រូប)៕