ទីស្ដីការនាយករដ្ឋមន្រ្តី វិមានសន្តិភាព៖ នៅព្រឹក​ថ្ងៃ​ពុធ ១១កើត ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០១ ខែកុម្ភៈ ឆ្នាំ២០២៣ ឯកឧត្តម នាយឧត្តម​សេនីយ៍ កង សុខន អគ្គនាយក នៃអគ្គនាយក​ដ្ឋាន​អត្ត​សញ្ញាណ​កម្ម បាន​អញ្ជើញ​​ចូល​រួមក្នុង​ឱកាស សម្តេច​ក្រឡា​ហោម ស ខេង ឧបនាយ​ក​រដ្ឋមន្ត្រី រដ្ឋមន្ត្រី​ក្រសួងមហាផ្ទៃ អនុញ្ញាតឱ្យ ឯកឧត្តម Chardkiat ATTHAKOR ឯកអគ្គរាជទូត​ព្រះ​រាជាណាចក្រថៃ ប្រចាំព្រះរាជាណាចក្រកម្ពុជា ទើប​តែងតាំងថ្មី ចូល​ជួប​សម្ដែងការគួរសម និងពិភាក្សា​ការងារមួយចំនួន។ ក្នុងពិធី​នេះ​ក៏មានការ​អញ្ជើញ​ចូលរួមពី ឯកឧត្តម រដ្ឋលេខាធិការ ឯកឧត្តម នាយឧត្តមសេនីយ៍ អគ្គនាយក នៃអគ្គនាយកដ្ឋាន​អន្តោប្រវេសន៍ ឯកឧត្តម អគ្គនាយក នៃអគ្គនាយកដ្ឋានរដ្ឋបាល ឯកឧត្តម អគ្គនាយករង និងគណៈប្រតិភូឯកអគ្គរាជទូតថៃ​ ព្រមទាំងមន្ត្រីពាក់​ព័ន្ធមួយ​ចំនួន៕