ខេត្តឧត្តរមានជ័យ៖ នៅថ្ងៃព្រឹក ១រោច ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៦ ខែកុម្ភៈ ឆ្នាំ២០២៣ លោកឧត្តមសេនីយ៍ទោ នួន ស៊ីណា អនុប្រធាននាយកដ្ឋានស្ថិតិប្រជាពលរដ្ឋ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមធ្វើបទបង្ហាញលើប្រធានបទ ស្តីពី ការចុះបញ្ជី និងគ្រប់គ្រងការស្នាក់នៅ ក្នុងវគ្គបណ្តុះបណ្តាលជំនាញ ស្ដីពី តួនាទីភារកិច្ចរបស់ប៉ុស្តិ៍នគរបាលរដ្ឋបាលនៅស្នងការដ្ឋាននគរបាលខេត្តឧត្តរមានជ័យ។ ក្នុងពិធីនេះដែរក៏មានការអញ្ជើញចូលរួមពី លោកអធិការដ្ឋាននគរបាលក្រុង/ស្រុក លោក លោកស្រីនាយការិយាល័យ លោក លោកស្រីនាយ នាយរងប៉ុស្តិ៍នគរបាលរដ្ឋបាល និងសិក្ខាកាមពាក់ព័ន្ធជាច្រើននាក់ផងដែរ៕