រាជធានីភ្នំពេញ៖ នៅព្រឹកថ្ងៃចន្ទ ១កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២០ ខែកុម្ភៈ ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារគាំទ្រយន្តការច្រកចេញតែមួយសេវាអត្តសញ្ញាណកម្មនៅថ្នាក់ឃុំ សង្កាត់ បានអញ្ជើញជាអធិបតីភាពក្នុងពិធីបើកវគ្គបណ្តុះបណ្តាល ស្ដីពីនីតិវិធី និងការចេញសេចក្ដីចម្លងសំបុត្រអត្រានុកូលដ្ឋានឆ្លងឆ្នាំ តាមប្រព័ន្ធបច្ចេកវិទ្យាគមនាគមន៍ និងព័ត៌មាន និងការទទួលខុសត្រូវ និងការគាំទ្រដល់ថ្នាក់ឃុំ សង្កាត់ក្រោមដែនសមត្ថកិច្ចរបស់ខ្លួន សម្រាប់ថ្នាក់ដឹកនាំ មន្រ្តីបច្ចេកទេស រដ្ឋបាលរាជធានីភ្នំពេញ និងខណ្ឌទាំង១៤ ក្នុងរាជធានីភ្នំពេញ ដែលមានសង្កាត់គោលដៅកំពុងអនុវត្តយន្តការច្រកចេញចូលតែមួយសេវាអត្តសញ្ញាណកម្ម។

ពិធីនេះបានប្រព្រឹត្តទៅរយៈពេល ០១ថ្ងៃពេញ ស្ថិតនៅភោជនីដ្ឋានទន្លេបាសាក់២ រាជធានីភ្នំពេញ។

ក្នុងនេះដែរក៏មានការអញ្ជើញចូលរួមពី លោកប្រធាននាយដ្ឋាន លោកអនុប្រធាននាយកដ្ឋាន មន្រ្តីជំនាញចំណុះនាយកដ្ឋានឍពាក់ព័ន្ធ នៃអគ្គនាយកដ្ឋានអត្តសញ្ញាណកម្ម ព្រមទាំងថ្នាក់ដឹកនាំសាលារាជធានីភ្នំពេញ សាលាខណ្ឌទាំងអស់ ក្នុងរាជធានីភ្នំពេញ និងមន្រ្តីជំនាញនៅក្នុងយន្តការច្រកចេញចូលតែមួយសេវាអត្តសញ្ញាណកម្មផងដែរ ដោយមានសមាសភាពចូលរួម សរុបចំនួន៦៨រូប៕