អគ្គនាយកដ្ឋានអត្តសញ្ញាណកម្ម៖ នៅថ្ងៃសុក្រ ១២កើត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៨ ខែវិច្ឆិកា ឆ្នាំ២០១៩ ឯកឧត្តម ឧត្តមសេនីយ៍ឯក វុធ ផល្លី អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បាន​អនុញ្ញាត​​អោយលោក Precha Thanasukarn ជាអនុប្រធានប្រតិបត្តិ​ក្រុមហ៊ុន ស៊ីភី គ្រុប (CP GROUP) ប្រទេសថៃឡង់ដ៏ ចូលជួប​ប្រជុំ​ពិភាក្សាជាមួយមន្រ្តីជំនាញ នៃនាយក​ដ្ឋាន​លិខិត​ឆ្លង​ដែន ដើម្បីស្វែង​យល់​ពី​នី​តិវិធី​ធ្វើលិខិតឆ្លងដែន លិខិតធ្វើ​ដំណើរពលករ​កម្ពុជា​ទៅ​ធ្វើ​ការនៅបរទេស ជូនពលករ​ខ្មែរទៅ​ធ្វើ​ការនៅប្រទេស​ថៃ​ឡង់ដ៏។ ក្នុង​កិច្ចប្រជុំនេះ​ក៏មាន​ការ​អញ្ជើញ​​ចូល​រួម ឯកឧត្តម  អគ្គ​នាយករង លោកអនុប្រធាននាយក​ដ្ឋានលិខិតឆ្លងដែន នៃ​អគ្គ​នាយកដ្ឋាន​អត្ត​សញ្ញាណ​កម្ម ព្រម​ទាំងលោក លោកស្រីដែលជាក្រុមការងារ នៃក្រុមហ៊ុន ស៊ីភី គ្រុប (CP GROUP) ប្រទេសថៃឡង់ដ៏៕