រាជធានីភ្នំពេញ៖ នៅព្រឹកថ្ងៃពុធ ១០កើត ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី០១ ខែមីនា ឆ្នាំ២០២៣ ក្រុមការងារ​នាយកដ្ឋានអត្តសញ្ញាណប័ណ្ណសញ្ជាតិខ្មែរ​ នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានបន្តចុះជំរុញផ្តល់អត្តសញ្ញាណប័ណ្ណសញ្ជាតិខ្មែរ​ ជូនថ្នាក់ដឹកនាំ​ និងមន្រ្តីរាជការ ក៏ដូចជាក្រុមគ្រួសារ បងប្អូន សាច់ញាតិ របស់គាត់ដែលអស់សុពលភាព ឬបាត់ និងរបក ខូច​ នៅក្រសួងសង្គមកិច្ច អតីតយុទ្ធជន និងយុវនីតិសម្បទា។