ខេត្តសៀមរាប៖ នៅថ្ងៃសុក្រ ១២កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៣ ខែមីនា ឆ្នាំ២០២៣ លោកឧត្តមសេនីយ៍ទោ នួន ស៊ីណា អនុប្រ​ធាន​នាយកដ្ឋានស្ថិតិប្រជាពលរដ្ឋ បានចូលរួមធ្វើបទបង្ហាញលើប្រធានបទ​ ស្តីពី​ ការចុះបញ្ជី និងគ្រប់គ្រងការស្នាក់នៅ ក្នុងវគ្គបណ្តុះបណ្តាលជំនាញ​ ស្ដីពី​ តួនាទីភារ​កិច្ច​របស់​ប៉ុស្តិ៍​នគរ​បាល​រដ្ឋបាល នៅស្នងការដ្ឋាននគរបាលខេត្តសៀមរាប។

ដោយមានសិក្ខាកាមចូលរួមសរុប ១៦៣នាក់​ ស្រី​៣១នាក់ក្នុង​នោះ​មាន​មន្ត្រី​ជំនាញ​មកពី​ការិ​យា​ល័យគ្រប់គ្រងការស្នាក់នៅ និងការិយាល័យកិច្ចការប៉ុស្តិ៍នគរបាលចំនួន ១៤នាក់ស្រី ០១នាក់​ អធិការដ្ឋាននគរបាលក្រុង/ស្រុកចំនួន​ ៥៩នាក់ ស្រី ០៧នាក់​ ព្រមទាំង​មន្ត្រី​ប៉ុស្តិ៍នគរបាលរដ្ឋបាលចំនួន​ ៩០នាក់ស្រី ២៣នាក់ផងដែរ៕