រាជធានីភ្នំពេញ៖ នៅព្រឹកថ្ងៃព្រហស្បតិ៍ ៣រោច ខែផល្គុន ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី០៩ ខែមីនា ឆ្នាំ២០២៣ ឯកឧត្តម​ ឧត្តមសេនីយ៍ឯក​ ស៊ាង ធារិទ្ធិ អគ្គនាយករង នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ បានដឹកនាំក្រុមការងារ​នាយកដ្ឋានអត្តសញ្ញាណប័ណ្ណសញ្ជាតិខ្មែរ​ បន្តចុះជំរុញផ្តល់អត្តសញ្ញាណប័ណ្ណសញ្ជាតិខ្មែរ​ ជូនថ្នាក់ដឹកនាំ​ និងមន្រ្តីរាជការ ក៏ដូចជាក្រុមគ្រួសារ បងប្អូន សាច់ញាតិ របស់គាត់ដែលអស់សុពលភាព ឬបាត់ និងរបក ខូច​ នៅក្រសួងដែនដីនគររូបនីយកម្ម និងសំណង់។