ខេត្តស្វាយរៀង៖ នៅថ្ងៃសុក្រ ៤រោច ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១០ ខែមីនា ឆ្នាំ២០២៣ លោកឧត្តមសេនីយ៍ទោ នួន ស៊ីណា អនុប្រធាននាយកដ្ឋានស្ថិតិប្រជាពលរដ្ឋ តំណាង លោកឧត្ដមសេនីយ៍ទោ សុគន្ធ វិសិដ្ឋ ប្រធាននាយកដ្ឋានស្ថិតិប្រជាពលរដ្ឋ បានចូលរួមបើកកិច្ចប្រជុំផ្សព្វផ្សាយក្នុងគោលដៅត្រួតពិនិត្យ និងណែនាំដល់មន្រ្តីជំនាញចុះបញ្ជី និងគ្រប់គ្រងការស្នាក់នៅ នៃស្នងការដ្ឋាននគរបាលខេត្តស្វាយរៀង។

ក្នុងនោះក៏មានការចូលរួមពីលោកស្នងការរងទទួលការងារអត្តសញ្ញាណកម្ម នាយ នាយរង និងមន្រ្តីនៃការិយាល័យគ្រប់គ្រងការស្នាក់នៅ លោកអធិការរង នាយផ្នែកអត្តសញ្ញាណកម្មក្រុង/ស្រុក រួមទាំងនាយប៉ុស្តិ៍នគរបាល សង្កាត់ នៃក្រុងស្វាយរៀង និងក្រុងបាវិត ដែលមានកម្លាំងសរុបចំនួន៣៧នាក់ ស្រី ០៤នាក់៕