អាកាសយានដ្ឋានអន្តរជាតិភ្នំពេញ៖ នៅរសៀលថ្ងៃចន្ទ ១៤រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២០ ខែមីនា ឆ្នាំ២០២៣ ឯកឧត្តម ឧត្តមសេនីយ៍ឯក ម៉ែន សុផុន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញទទួលដំណើរ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម អមដំណើរជាមួយ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងគណៈប្រតិភូជាន់ខ្ពស់ របស់ក្រសួងមហាផ្ទៃ ធ្វើមាតុភូមិនិវត្តន៍ត្រឡប់មកពីបំពេញទស្សនកិច្ច នៅសាធារណរដ្ឋប្រជាធិបរតយ្យប្រជាមានិតឡាវ។

ទស្សនកិច្ចនេះបានប្រព្រឹត្តទៅរយៈពេល ០៣ថ្ងៃ ចាប់ពីថ្ងៃទី១៨ ដល់ថ្ងៃទី២០ ខែមីនា ឆ្នាំ២០២៣ ស្ថិតនៅសាធារណរដ្ឋប្រជាធិបរតយ្យប្រជាមានិតឡាវ៕