អគ្គនាយកដ្ឋានអត្តសញ្ញាណកម្ម : នៅព្រឹកថ្ងៃសុក្រ ៤រោច ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៥ ខែ វិច្ឆិកា ឆ្នាំ២០១៩ តាមគោលការណ៍ដឹកនាំរបស់ ឯកឧត្តមនាយឧត្តមសេនីយ៍ កង សុខន អគ្គនាយកនៃអគ្គនាយកដ្ឋានអត្តសញ្ញាណកម្ម ក្រុមការងារចុះដាក់ប្រអប់សំបុត្រទទួលមតិសំណូមពរប្រជាពលរដ្ឋ ដឹកនាំដោយឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និង ជាប្រធានក្រុមការងារនៃអគ្គនាយកដ្ឋានអត្តសញ្ញាណកម្ម បានសហការជាមួយនាយកដ្ឋានរដ្ឋបាល សរុប នៃអគ្គនាយកដ្ឋានអត្តសញ្ញាណកម្ម ដាក់ប្រអប់សំបុត្រ នៅមុខក្លោងទ្វារចូលអគ្គនាយកដ្ឋានអត្តសញ្ញាណកម្ម ដើម្បីទទួលនូវមតិ និង សំណូមពរប្រជាពលរដ្ឋ ដែលមកទទួលសេវានានាពាក់ព័ន្ធការងារអត្តសញ្ញាណកម្ម។ ការងារដាក់ប្រអប់សំបុត្រធ្វើឡើងក្នុងគោលបំណងប្រមូលនូវព័ត៌មាននានា ក៏ដូចជាសំណើ សំណូមពរ ឬ បណ្តឹងផ្សេងៗពីសំណាក់ប្រជាពលរដ្ឋដែលមកទទួលសេវា និង ចូលរួមដោះស្រាយជូនប្រជាពលរដ្ឋប្រកបដោយប្រសិទ្ធភាព និង តម្លាភាព។
ប្រអប់សំបុត្រផ្សេងៗទៀត នឹងត្រូវយកទៅដាក់នៅតាមបណ្តាស្នាក់ការផ្តល់សេវាអត្តសញ្ញណកម្មសំខាន់ៗ រួមមាន ស្នាក់ការផ្តល់លិខិតឆ្លងដែន ស្នាក់ការផ្តល់អត្តសញ្ញាណប័ណ្ណសញ្ជាតិខ្មែរ ។ល។