ខេត្តព្រៃវែង៖ នៅព្រឹកថ្ងៃព្រហស្បតិ៍ ៩កើត ខែចេត្រ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី៣០ ខែមីនា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម តំណាង ឯកឧត្តម នាយ​ឧត្តមសេនីយ៍ កង សុខន អគ្គនាយក នៃអគ្គនា​យក​ដ្ឋាន​អត្តសញ្ញាណកម្ម បានចូលរួមក្នុង​ពិធី​បុណ្យបញ្ចុះ​ខណ្ឌ​សីមា​ព្រះ​វិហារ និងឆ្លងសមិទ្ធផលនានា នៃវត្តពោធិអណ្ដែត (ហៅវត្តទួលតាណាល) នៅភូមិទំពាំងជ្រើស ឃុំព្រៃស្នៀត ស្រុកពារាំង ខេត្តព្រៃវែង ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រ​សួងមហាផ្ទៃ។

ក្នុងពិធីនេះដែរក៏មានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកព្រឹទ្ធសភា រដ្ឋសភា ឯកឧត្តម សន្តិបណ្ឌិត រដ្ឋលេខាធិការ ឯកឧត្តម នាយឧត្តមសេនីយ៍ ឧត្តមសេនីយ៍ឯក អគ្គលេខាធិការរង អគ្គស្នង​ការ​រង​នគរ​បាល​ជាតិ អគ្គនាយករង អគ្គាធិការរង ឯកឧត្តម ប្រធានក្រុម​ប្រឹក្សា​ខេត្ត ឯកឧត្តម អភិបាលខេត្ត លោកឧកញ៉ា ឯកឧត្តម លោកជំទាវ លោក លោកស្រី អភិបាលរងខេត្ត អភិបាល​ក្រុង​/ស្រុក និងភ្ញៀវកិត្តិយសជាច្រើននាក់ទៀត៕