នៅថ្ងៃព្រហស្បតិ៍ ៩កើត ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី៣០ ខែមីនា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារបច្ចេកទេសអគ្គនាយកដ្ឋានអត្តសញ្ញាណកម្ម រួមមានលោកប្រធាននាយកដ្ឋាន អនុប្រធាននាយកដ្ឋាន នាយការិយាល័យចំណុះអគ្គនាយកដ្ឋានអត្តសញ្ញាណកម្ម ដើម្បីអមដំណើរ ឯកឧត្តម លេង វី រដ្ឋលេខាធិការ និងឯកឧត្តម ឌី សុកផាន អនុរដ្ឋលេខាធិការក្រសួងមហាផ្ទៃ ចូលរួមក្នុងកិច្ចប្រជុំ ស្ដីអំពី "ការសិក្សា និងរៀបចំសេចក្ដីព្រាងគោលនយោបាយអន្ដរប្រតិបត្តិការឌីជីថលសម្រាប់ប្រព័ន្ធគាំពារសង្គម" និងផ្ដល់ធាតុចូលក្នុងកម្រងសំណួរវាយតម្លៃអំពីការអនុវត្តអន្តរប្រតិបត្តិការឌីជីថល នៅបន្ទប់ប្រជុំអគារ "គ" ទីស្តីការក្រសួងសេដ្ឋកិច្ច និងហិរញ្ញវត្ថុ។

ក្នុងកិច្ចប្រជុំនេះដែរមានការអញ្ជើញចូលរួមពីតំណាង អគ្គលេខាធិការដ្ឋានក្រុមប្រឹក្សាជាតិគាំពារសង្គម តំណាងអង្គការ GIZ និងទីប្រឹក្សាបច្ចេកទេសរបស់ក្រុមប្រឹក្សាជាតិគាំពារសង្គមផងដែរ៕