រាជធានីភ្នំពេញ៖ នៅរសៀលថ្ងៃអាទិត្យ ០១រោច ខែជេស្ឋ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៤ ខែមិថុនា ឆ្នាំ២០២៣នេះ ឯកឧត្តម ឧត្តមសេនីយ៍ឯក សុក្រិត្យ ថនឥស្សរ៉ា អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមពិធីសំណេះសំណាលលើកទឹកចិត្តដល់កីឡាករ កីឡាការិនី ក្រសួងមហាផ្ទៃ ដែលទទួលជ័យលាភីក្នុងព្រឹត្តការណ៍ SEA GAME ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលស្ថិតិនៅស្នងការដ្ឋាននគរបាលរាជធានីភ្នំពេញ។

ក្នុងពិធីនេះក៏មានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្តម អភិបាលរាជធានីភ្នំពេញ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ និងឯកឧត្តម អគ្គនាយក អគ្គលេខាធិការ អគ្គនាយករង អគ្គលេខាធិការរង ថ្នាក់ដឹកនាំមន្ត្រី នៃក្រុមប្រឹក្សាកីឡា ក្រសួងមហាផ្ទៃ ព្រមទាំងគ្រូបង្វឹក កីឡាករ កីឡារិនី ដែលទទួលបានមេដាយមាស ប្រាក់ សំរិទ្ធផងដែរ៕