សណ្ឋាគារភ្នំពេញ៖ នៅព្រឹកថ្ងៃព្រហស្បតិ៍ ១២រោច ខែជេស្ឋ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែមិថុនា ឆ្នាំ២០២៣ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមជាវាគ្មិនក្នុងសិក្ខាសាលាថ្នាក់ជាតិ សម្រាប់ប្រមូលធាតុចូលក្នុងការបង្កើត “ប្រព័ន្ធគ្រប់គ្រងករណីសេវាសង្គមកិច្ច” ក្រោមអធិបតីភាព ឯកឧត្តម បណ្ឌិត អុល រ៉ូ រដ្ឋលេខាធិការ តំណាង ឯកឧត្តម វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា។

ក្នុងពិធីនេះដែរ ក៏មានការចូលរួមពីសំណាក់ ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាននានាចំណុះក្រសួងមហាផ្ទៃ និងក្រសួង-ស្ថាប័នរដ្ឋ អង្គការក្នុងនិងក្រៅរដ្ឋាភិបាល ព្រមទាំងជំនាញពាក់ព័ន្ធជាច្រើនផងដែរ៕