ខេត្តកំពង់ចាម៖ នៅថ្ងៃអង្គារ ៣កើត ខែបឋមាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២០ ខែមិថុនា ឆ្នាំ២០២៣ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីសិក្ខាសាលាបញ្ចប់ផែនការសកម្មភាពសុខភាពជនទេសន្តរប្រវេសន៍ ឆ្នាំ២០២៣ ដល់ឆ្នាំ២០២៥ និងសូចនាករ និងរៀបចំសេចក្ដីព្រាងរបាយការណ៍ប្រចាំឆ្នាំ២០២៣ ក្រោមអធិបតីភាព ឯកឧត្តម សាស្រាចារ្យ ស៊ា ហួច រដ្ឋលេខាធិការ ក្រសួងសុខាភិបាល។

ពិធីនេះបានប្រព្រឹទៅរយៈពេល ០២ថ្ងៃ នៅសណ្ឋាគារ LBN ខេត្តកំពង់ចាម។

ក្នុងនេះក៏មានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាននានាចំណុះក្រសួងមហាផ្ទៃ និងក្រសួង ស្ថាប័ន អង្គការក្នុង និងក្រៅរដ្ឋាភិបាលជំនាញពាក់ព័ន្ធជាច្រើនផងដែរ៕