នៅរសៀលថ្ងៃសុក្រ ១១រោច ខែកត្ដិក ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២២ ខែវិច្ឆិកា ឆ្នាំ២០១៩ ឯកឧត្តម សុខ ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីក្នុងពិធីប្រគល់-ទទួលកៅអីរង់ចាំ ដែលឧបត្ថម្ភដោយ ក្រុមហ៊ុនហ្គោលអេហ្វអិកស៍ អុិនវេសមុិន (GoldFx Investment Co., Ltd) ដើម្បីជួយសម្រាលបន្ទុក និងសម្រួលដល់ការរង់ចាំរបស់ប្រជាពលរដ្ឋដែលមកទទួលសេវាអត្តសញ្ញាណកម្មឱ្យមានផាសុខភាព និងភាពងាយស្រួលជាងមុន ស្របពេលដែលកំណើនរបស់ប្រជាពលរដ្ឋ មកទទួលសេវាមានការកើនឡើងជាលំដាប់។ ក្នុងពិធីទទួលនេះផងដែល ឯកឧត្តម អគ្គនាយករង បានប្រគល់លិខិតថ្លែងអំណរគុណ របស់អគ្គនាយកដ្ឋានអត្តសញ្ញាណកម្ម ជូនចំពោះក្រុមហ៊ុនហ្គោលអេហ្វអិកស៍ អុិនវេសមុិន (GoldFx Investment Co., Ltd)៕