អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃពុធ ១៥រោច ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៦ ខែសីហា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង និងជាប្រធានក្រុមការងារគាំទ្រយន្តការច្រកចេញតែមួយសេវាអត្តសញ្ញាណកម្មនៅថ្នាក់ឃុំ សង្កាត់ បានដឹកនាំកិច្ចប្រជុំបូកសរុបលទ្ធផលការងារ បញ្ហាប្រឈម និងលើកទិសដៅបន្ត ការងារគាំទ្រយន្តការច្រកចេញតែមួយសេវាអត្តសញ្ញាណកម្មនៅថ្នាក់ឃុំ សង្កាត់។

ក្នុងកិច្ចប្រជុំនេះ ក៏មានការអញ្ជើញចូលរួមពី លោកឧត្តមសេនីយ៍ទោ ឈុន វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា និងជាអនុប្រធានអចិន្ត្រៃយ៍ក្រុមការងារ លោក លោកស្រីអនុប្រធាននាយកដ្ឋាន តំណាង នាយកដ្ឋានដែលពាក់ព័ន្ធ ព្រមទាំងលោក លោកស្រីនាយ នាយរងការិយាល័យ ចំណុះនាយកដ្ឋានជំនាញ នៃអគ្គនាយកដ្ឋានអត្តសញ្ញាណកម្ម និងសមាជិក សមាជិកា របស់ក្រុមការងារផងដែរ៕