អគ្គនាយកដ្ឋានអត្តសញ្ញាណកម្ម៖ ដោយទទួលបាននូវគោលការណ៍ណែនាំរបស់ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម នាព្រឹកថ្ងៃពុធ ៦កើត ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី២០ ខែកញ្ញា ឆ្នាំ២០២៣ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស បានអញ្ជើញដឹកនាំកិច្ចប្រជុំផ្ទៃក្នុងជាមួយនាយកដ្ឋានជំនាញពាក់ព័ន្ធ ដើម្បីពិនិត្យ រៀបចំឯកសារសៀវភៅ ស្តីពីការផ្តល់សេវាអត្តសញ្ញាណកម្ម និងត្រៀមរៀបចំជា Video Clips ក៏ដូចជាខិត្តប័ណ្ណ សម្រាប់ផ្សព្វផ្សាយជូនប្រជាពលរដ្ឋឱ្យបានយល់ដឹងទូលំទូលាយ។

កិច្ចប្រជុំនេះ មានការចូលរួមពី ឯកឧត្តម អគ្គនាយករង និងជាប្រធាននាយកដ្ឋាន លោក លោកស្រីអនុប្រធាននាយកដ្ឋាន តំណាងនាយកដ្ឋានពាក់ព័ន្ធ និងមន្ត្រីជំនាញជាច្រើនរូបផងដែរ៕