ឯកឧត្ដម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន តំណាង ឯកឧត្តម ឧត្តមសេនីយ៍ឯក តាត និមល អគ្គនាយករង និងជាប្រធានក្រុមការងារទទួលបន្ទុករួម បានពិនិត្យ ពិភាក្សាឡើងវិញទៅលើសេចក្ដីព្រាងប្រកាស ស្ដីពីការចុះបញ្ជីអត្រានុកូលដ្ឋានជាបន្ត

អគ្គនាយកដ្ឋានអត្តសញ្ញាណកម្ម នៅព្រឹកថ្ងៃសុក្រ ៨កើត ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២២ ខែកញ្ញា ឆ្នាំ២០២៣ ក្រុមការងាររៀបចំសេចក្ដីព្រាងលិខិតបទដ្ឋានគតិយុត្តក្រោមច្បាប់ពាក់ព័ន្ធច្បាប់ ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម របស់នាយកដ្ឋានអត្រានុកូលដ្ឋាន ដោយមានការអញ្ជើញចូលរួមពី ឯកឧត្ដម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន តំណាង ឯកឧត្តម ឧត្តមសេនីយ៍ឯក តាត និមល អគ្គនាយករង និងជាប្រធានក្រុមការងារទទួលបន្ទុករួម បានពិនិត្យ ពិភាក្សាឡើងវិញទៅលើសេចក្ដីព្រាងប្រកាស ស្ដីពីការចុះបញ្ជីអត្រានុកូលដ្ឋានជាបន្ត។

ក្នុងកិច្ចប្រជុំនេះ មានការអញ្ជើញចូលរួមពី លោក/លោកស្រីអនុប្រធាននាយកដ្ឋាន លោកប្រធានការិយាល័យ លោក/លោកស្រីអនុការិយាល័យ ព្រមទាំងមន្រ្តីចំណុះនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម និងតំណាងអង្គការ Vital strategies ផងដែរ៕