ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជួបសំណេះសំណាល និងពិភាក្សាការងារជាមួយមន្រ្តី តំណាងស្ថានទូតសាធារណរដ្ឋសង្គមនិយមវៀតណាម ប្រចាំនៅព្រះរាជាណាចក្រកម្ពុជា

នៅព្រឹកថ្ងៃពុធ ១៣កើត ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៧ ខែកញ្ញា ឆ្នាំ២០២៣ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអនុញ្ញាតឱ្យមន្រ្តីតំណាងស្ថានទូតសាធារណរដ្ឋសង្គមនិយមវៀតណាម អញ្ជើញជួបសំណេះសំណាល និងពិភាក្សាការងារ ដឹកនាំដោយ លោក Vuong Quang Bac តំណាងសន្ដិសុខនៅស្ថាន តំណាងក្រសួងនគរបាលវៀតណាម ប្រចាំនៅព្រះរាជាណាចក្រកម្ពុជា និងសហការី។

កិច្ចពិភាក្សានេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋានចំណុះអគ្គនាយកដ្ឋានអត្តសញ្ញាណកម្ម និងសហការី តំណាងសន្ដិសុខនៅស្ថាន តំណាងក្រសួងនគរបាលវៀតណាមប្រចាំនៅព្រះរាជាណាចក្រកម្ពុជាផងដែរ៕