ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារអន្តរក្រសួងក្នុងការងារសាកល្បងការចុះបញ្ជីអត្រានុកូលដ្ឋាន តាមរយៈការជូនដំណឹងពីមូលដ្ឋានសុខាភិបាលដោយប្រើប្រាស់បច្ចេកវិទ្យាឌីជីថល បានអញ្ជើញដឹកនាំកិច្ចប្រជុំពិភាក្សា រវាងក្រុមការងារអន្តរក្រសួងជាមួយរដ្ឋបាលសាលារាជធានីភ្នំពេញ និងអ្នកពាក់ព័ន្ធដើម្បីអនុវត្តសាកល្បងនូវការចុះបញ្ជីអត្រានុកូលដ្ឋានតាមរយៈការជូនដំណឹងពីមូលដ្ឋានសុខាភិបាលដោយប្រើប្រាស់បច្ចេកវិទ្យាឌីជីថល នៅសង្កាត់ទាំង០៦ នៃខណ្ឌពោធិ៍សែនជ័យ រាជធានីភ្នំពេញ

សាលារាជធានីភ្នំពេញ៖ នៅព្រឹកថ្ងៃព្រហស្បតិ៍ ១៤កើត ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៨ ខែកញ្ញា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានជាប្រធានក្រុមការងារអន្តរក្រសួងក្នុងការងារសាកល្បងការចុះបញ្ជីអត្រានុកូលដ្ឋាន តាមរយៈការជូនដំណឹងពីមូលដ្ឋានសុខាភិបាលដោយប្រើប្រាស់បច្ចេកវិទ្យាឌីជីថល បានអញ្ជើញដឹកនាំកិច្ចប្រជុំពិភាក្សា រវាងក្រុមការងារអន្តរក្រសួងជាមួយរដ្ឋបាលសាលារាជធានីភ្នំពេញ និងអ្នកពាក់ព័ន្ធដើម្បីអនុវត្តសាកល្បងនូវការចុះបញ្ជីអត្រានុកូលដ្ឋានតាមរយៈការជូនដំណឹងពីមូលដ្ឋានសុខាភិបាលដោយប្រើប្រាស់បច្ចេកវិទ្យាឌីជីថល នៅសង្កាត់ទាំង០៦ នៃខណ្ឌពោធិ៍សែនជ័យ រាជធានីភ្នំពេញ។

ក្នុងកិច្ចប្រជុំនេះមានការអញ្ជើញចូលរួមជាអធិបតីពីសំណាក់ ឯកឧត្តម កើត ឆែ អភិបាលរងនៃគណៈអភិបាលរាជធានីភ្នំពេញ និងមានការអញ្ជើញចូលរួមពីសំណាក់ លោកអគ្គនាយករង លោកប្រធាននាយកដ្ឋាន នៃក្រសួងផែនការ ក្រសួងសុខាភិបាល និង លោកឧត្តមសេនីយ៍ទោ ប្រធាននាយកដ្ឋានគ្របគ្រង់ប្រព័ន្ធព័ត៌វិទ្យា លោក លោកស្រីអនុប្រធាននាយកដ្ឋាន លោកនាយការិយាល័យ ចំណុះអគ្គនាយកដ្ឋានអត្តសញ្ញាណកម្ម ព្រមទាំង លោក លោកស្រីជាមន្ត្រីរាជការចំណុះរដ្ឋបាលសាលារាជធានីភ្នំពេញ លោក លោកស្រី អភិបាលរងខណ្ឌ មន្ទីរសុខាភិបាលរាជធានីភ្នំពេញ និងមន្រ្តី អាជ្ញាធរពាក់ព័ន្ធគ្រប់លំដាប់ថ្នាក់ជាច្រើនរូប និងតំណាងអង្គការ Vital Strategies ប្រចាំព្រះរាជាណាចក្រកម្ពុជាផងដែរ៕