ឯកឧត្តម ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំពាក់ព័ន្ធនឹងការប្រមូលព័ត៌មាន និងធ្វើបច្ចុប្បន្នកម្មទាក់ទងទៅ និងការតែងតាំងមុខតំណែង ការដំឡើងឋានន្តរស័ក្ដិ និងការចូលនិវត្តន៍ ព្រមទាំងបញ្ហាពាក់ព័ន្ធផ្សេងៗទៀតរបស់មន្រ្តីរាជការ

នៅរសៀលថ្ងៃចន្ទ ១០រោច ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៩ ខែតុលា ឆ្នាំ២០២៣ ឯកឧត្តម ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំពាក់ព័ន្ធនឹងការប្រមូលព័ត៌មាន និងធ្វើបច្ចុប្បន្នកម្មទាក់ទងទៅ និងការតែងតាំងមុខតំណែង ការដំឡើងឋានន្តរស័ក្ដិ និងការចូលនិវត្តន៍ ព្រមទាំងបញ្ហាពាក់ព័ន្ធផ្សេងៗទៀតរបស់មន្រ្តីរាជការ ក្រោមអធិបតីភាព ឯកឧត្តម នាយឧត្ដមសេនីយ៍ សាស្រ្តាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស។

ក្នុងកិច្ចប្រជុំនេះក៏មានការអញ្ជើញចូលរួមពី ឯកឧត្ដម អគ្គស្នងការរង នៃអគ្គស្នងការដ្ឋានគរបាលជាតិ ឯកឧត្ដម លោកជំទាវ អគ្គនាយករង តំណាង អគ្គនាយកដ្ឋាននានាចំណុះក្រសួងមហាផ្ទៃ លោកប្រធាននាយកដ្ឋានរដ្ឋបាល សរុប និងតំណាងអង្គភាពជំនាញពាក់ព័ន្ធជាច្រើនផងដែរ៕