ឯកឧត្តម ផុន លីវីរៈ បានអញ្ចេីញចូលរួមកិច្ចប្រជុំ​ ស្ដីពីការត្រួតពិនិត្យ​ និងការគាំទ្រការអនុវត្តការងារអត្រានុកូលដ្ឋាន​ នៅសាលាស្រុកបរសេដ្ឋ​ ខេត្តកំពង់ស្ពឺ

ខេត្តកំពង់ស្ពឺ៖ នៅរសៀលថ្ងៃចន្ទ ១កើត ខែកត្ដិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ ឯកឧត្តម ផុន លីវីរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំមន្រ្តីជំនាញនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ចេីញចូលរួមកិច្ចប្រជុំ​ ស្ដីពីការត្រួតពិនិត្យ​ និងការគាំទ្រការអនុវត្តការងារអត្រានុកូលដ្ឋាន​ នៅសាលាស្រុកបរសេដ្ឋ​ ខេត្តកំពង់ស្ពឺ។

ក្នុងពិធីនេះដែរក៏មានការអញ្ជើញចូលរួមពីសំណាក់ ឯកឧត្ដម ហន ភក្តី អភិបាលរង នៃគណៈអភិបាលខេត្តកំពង់ស្ពឺ លោកនាយករងរដ្ឋបាលខេត្ត លោកនាយកទីចាត់តាំងចំណុះខេត្ត លោក លោកស្រីអភិបាលរងស្រុកទទួលបន្ទុកការងារអត្រានុកូលដ្ឋាន និងលោក លោកស្រី ប្រធាន/អនុប្រធានការិយាល័យរដ្ឋបាលស្រុកផងដែរ៕