ឯកឧត្តម ឧត្តមសេនីយ៍ឯក តាត និមល អគ្គនាយករង និងជាប្រធានផ្នែកខ្លឹមសារ បានដឹកនាំកិច្ច​ប្រជុំត្រៀម​រៀប​ចំ​សិកា្ខ​សាលាផ្សព្វផ្សាយច្បាប់ ស្ដីពីអត្រានុកូលដ្ឋាន ស្ថិតិ​អត្រា​នុកូលដ្ឋាន និងអត្តសញ្ញាណកម្ម

នៅរសៀលថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ ឯកឧត្តម ឧត្តមសេនីយ៍ឯក តាត និមល អគ្គនាយករង នៃអ​គ្គ​នាយ​ក​ដ្ឋានអត្តសញ្ញាណកម្ម និងជា​ប្រធាន​ផ្នែក​ខ្លឹម​សារ បាន​ដឹក​នាំ​កិច្ចប្រជុំជាមួយក្រុមការងារ ផ្នែកខ្លឹម​សារ​សម្រាប់ ត្រៀម​រៀប​ចំសិក្ខាសាលាផ្សព្វផ្សាយច្បាប់ ស្ដីពី​អត្រា​នុ​កូលដ្ឋាន ស្ថិតិ​អត្រា​នុកូលដ្ឋាន និងអត្តសញ្ញាណកម្ម។

ក្នុងកិច្ចពិភាក្សានេះ ក៏មានការអញ្ជើញចូលរួមពីសំណាក់ ឯកឧត្តម អេង ច័ន្ទតារា អគ្គនាយករង និង​ជា​ប្រធាន​នាយក​ដ្ឋានអត្រានុកូលដ្ឋាន និងជាអនុប្រធាន​ផ្នែក​ខ្លឹម​សារ លោក លោកស្រីអនុប្រធាននាយកដ្ឋាន លោក លោកស្រី​ប្រធាន​ការិ​យាល័យ និងមន្រ្តីជំនាញចំណុះនាយកដ្ឋានពាក់ព័ន្ធ នៃអគ្គ​នាយកដ្ឋានអត្តសញ្ញាណកម្មផងដែរ៕