ឯកឧត្តម ឧត្តមសេនីយ៍ឯក សាយ ម៉េងឈាង បានអញ្ជើញចូលរួមក្នុងវេទិកាពិគ្រោះយោបល់ពហុវិស័យថ្នាក់ជាតិ ស្តីពីការលើកកម្ពស់ផ្តល់សេវាសាធារណៈ និងការពង្រឹងយន្តការសម្រុះសម្រួល ដោះស្រាយបណ្តឹងនៅថ្នាក់ក្រោមជាតិ

នៅសណ្ឋាគារកាំបូឌីយ៉ាណា៖ នៅថ្ងៃសុក្រ ១២កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៤ ខែវិច្ឆិកា ឆ្នាំ២០២៣ ឯកឧត្តម ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងវេទិកាពិគ្រោះយោបល់ពហុវិស័យថ្នាក់ជាតិ ស្តីពីការលើកកម្ពស់ផ្តល់សេវាសាធារណៈ និងការពង្រឹងយន្តការសម្រុះសម្រួល ដោះស្រាយបណ្តឹងនៅថ្នាក់ក្រោមជាតិ ក្រោមអធិបតីភាព ឯកឧត្តម ងី ច័ន្រ្ទផល រដ្ឋលេខាធិការ ក្រសួងមហាផ្ទៃ។

ក្នុងពិធីនេះ ក៏មានការអញ្ជើញចូលរួមពី ឯកឧត្ដម លោកជំទាវ លោក លោកស្រី​ នាយករដ្ឋបាល​ ប្រធានអង្គភាព​ ប្រធានការិយាល័យ និងមន្រ្តីជំនាញ តំណាង ស្ថាប័នពាក់ព័ន្ធជាច្រើនរូបទៀតផងដែរ៕