នៅព្រឹកថ្ងៃអង្គារ ៩កើត ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៣ ខែសីហា ឆ្នាំ២០២៤ ឯកឧត្តម ឧត្តមសេនីយ៍ឯក តាត និមល អគ្គនាយករង និងថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម បានអញ្ជើញជួបជំនួបកិច្ចប្រជុំបន្តពិនិត្យពិភាក្សារលើសេចក្ដីព្រាងព្រះរាជក្រឹត្យ ស្ដីពីការរៀបចំ និងការប្រព្រឹត្តិទៅរបស់អាជ្ញាធរជាតិគ្រប់គ្រងអត្តសញ្ញាណប្រជាជន ជាមួយឯកឧត្តម គង់ ច័ន្ទថន នាយករងសាលាជាតិរដ្ឋបាលមូលដ្ឋាន និងតំណាងអង្គការ Vital Strategies។

ជំនួបកិច្ចពិភាក្សានេះ មានការអញ្ជើញចូលរួមពី លោកប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោកអនុប្រធាននាយកដ្ឋាន និងមន្រ្តីជំនាញចំណុះអគ្គនាយកដ្ឋានអត្តសញ្ញាណកម្មផងដែរ៕